69. ROHO NI MUTEITHIA WITU MBARA-IN

1.
Roho nĩ mũteithia witũ mbara-inĩ
Ningĩ kĩonereria gĩa kũmenyithia,
Arĩa mehokete rĩtwa rĩa Jesũ,
Thĩ-ĩno ĩrĩ na mĩago na ikeno nyingĩ.

2.
Hutata ndũkae gũcũthĩrĩria
Mĩago ya gũkũ thĩ na ikeno ciayo,
Tondũ itirĩ hĩndĩ igakuonereria,
Kwĩhoka Mwathani ũrĩ rũgendo-inĩ.

3.
Cuthĩrĩria Jesu Mũtharaba-inĩ
Ahutatĩire thĩ-ĩno na ikeno ciayo.
Ehumbĩte ũthamaki wa Ithe witũ
Nĩgũo ahonokie andũ kuma kwa ngoma.

4.
Nĩwe Irigithathi kũma kũrĩ akuũ,
Na ningĩ kũriũka kwa andũ arĩa atheru,
Arĩa marĩithagio nĩ Roho Mũtheru,
Tondũ nĩ ciana cia ũthamaki.

5.
Kĩeha na maithori nĩ kĩonereria,
Thĩ ĩno ndĩrĩ mwago kana ũhũrũko,
Kĩhũruko kĩega njĩrĩgĩrĩire
Mũciĩ wa matu-inĩ tene na tene.

6.
Jesũ akirie gũka nĩ twetereire,
Na gĩtĩ kĩa ũnene wa thĩ na igũrũ,
Na mwago wa Araika na riri wa Ithe,
Arĩa Mamwendete no magakena.