10. NIMENYAGA WEGA RUGENDO-INI

1.
Nĩmenyaga wega rũgendo-inĩ,
Thino gutirĩ na ũtũro wakwa.
Ndĩ Mũgendi gũkũ njetereire,
Muthenya wa Mwathani.

2.
Nyonaga wendo wa mwĩrĩ wakwa,
Meciria maguo no ma gũkũ thĩ.
Roho wakwa atũraga mbara-inĩ
Rĩrĩa ndĩ rũgendo-inĩ.

3.
Thĩ-inĩ wa Roho harĩ gũtoria,
Wendo wa mwĩrĩ na hinya waguo.
Nĩwe mũtongoria rũgendo-inĩ
Matukũ ma gũkũ thĩ.

4.
Nĩnjũi wega itarĩ na nganja,
Ndehitha he Roho ndikahotwo.
Nĩmũteithia wakwa rũgendo-inĩ
Ndatũra thĩ-inĩ wake.

5.
Mũthenya wakinya Jesũ acoke,
Karumbeta kahuhwo rĩera-inĩ.
Nĩngakena hamwe na arĩa atheru
Mahotete mbara-inĩ.

6.
Hĩndĩ ĩyo ngerorera na maitho,
Tũhumbĩtwo riri wa gũtoria.
Mwago ũcio na ikeno cia matu-inĩ
Twakinya gwa Ithe Witũ.