134. NDURIRI NA IRUKA CIA ANDU

1.
Ndũrĩri na ĩruka cĩa andũ,
Nĩmũkwirũo mwĩrire,
Tondũ Jesũ nĩegũcoka
Roho akirie kwambata

Nĩ tũthikĩrĩrie Roho,
Urĩa ekuga tũike guo,
Nake nĩagatũhe thũmbi,
Kũria kũrĩ ĩthe Ngai.

2.
Roho ekuga nĩekũgetha
Thabibu iria njĩru.
Ciothe acirute mĩgũnda.
Acoke acine mahuti.

3.
Inyũiro-inĩ cĩa ndibei
Na njohi ĩrĩa ndũrũ.
Kũu nĩkuo Roho ekuga,
Gũitĩrĩiio ũbiriti.

4.
Inyui aruti a magongona,
Na indo iria mũrutaga.
Na mĩthaiga Roho ekuga.
Jesũ ndagaciĩtikia.

5.
Andũ arĩa oru na arĩa ehia,
Na aremi.
na atunyani.
Magatuĩrwo ta Judasi.
Na itũĩro rĩa Kaini.

6.
Wona wehĩa ndũkahithe.
Hoya Ngai akuohere.
Tondũ Ngai nĩ mũigua
Nake nĩegũkuohera

7.
Kĩndũ gĩothe kĩrĩ thĩ-ĩno
Kĩ mĩhũmũ kiaragia
Gĩtekũinĩra Jesu
Gĩkahananĩo na kĩ?

8.
Tiga gũconoka nĩ andũ.
Jesũ ndagaconoka
Na nĩakanengera o mũndũ
Kĩrĩa atũire amwĩtagia.