270. MUTONGORIA OIMAGA IGURU

1.
Mũtongoria oimaga igũrũ kwa Ngai
Ndoimaga kwenda-inĩ kwa andũ
Athũragĩrwo nda nĩ Ngai akamũrwo
Ona agaitĩrio maguta

Ucĩo mũtherie na mwamũre nĩ Ngai
Niarũgamirio mbere ya andũ mamenye
Nĩ mũrathimĩre ũtongoria

2.
Gũtongoria mĩoyo ya andũ aingĩ na ĩkinye
Ni Ngai ũrathĩmanaga
Ona gũĩtiriria maguta na thayũ
Nĩ Ngai ũĩtanagiriria

3.
Bethlehemu kwa Jesii Samweli
Rĩrĩa arathimaga ũthamaki
Mũgambo woimire na igũrũ kwa Ngai
Akĩrwo arathime Daudi

4.
Mũthenya ũcĩo Ngai nĩerire Samweli
Niĩ ndiroraga mothiũ ma andũ
Niĩ Ngai ndoraga ngoro nĩ njũĩ
Ngoro nyamũre na ndathime

5.
Andũ a gũka thĩ mahenagio meciria
Mona mothiũ ma andũ arĩa athaka
No Ngai akenagio nĩ ngoro irĩa thingu
Ona ingĩhoya nĩ aiguaga

6.
Nĩaigũire mahoya ma Hana agĩkena
Ngai agĩikũrukia kĩheo
Kĩa mwana mũtherie Samweli wa Hana
Akĩrwo arathimanage