312. HABILI ATHECWO NA RUHIU NI KAINI AKIURAGWO

1.
Hab1.
Ndĩgũka arata akwa na nguĩte thayũ
Ona ũmithio wa witĩkio no ngwete
Nĩkĩo ndamũrahĩra maya ndĩnamo
Tondu nĩ ndimire itura rĩa waganu.

2.
Thaganiai kiugo kĩa Ngai nĩ gĩuku
Tondũ nĩkĩo bũthi wa maroho manyu
Nĩkĩo kĩhandaga na gĩkeringũria
Gĩkeyaka na gũtirĩ ũngĩgĩakûra.

3.
Kĩehanda gũtingĩgĩa mũgĩtharĩki
Mũkĩoroti nĩwe weyorota athire
Gũtirĩ ũngĩtiria ikumbata rĩakĩo
Gĩkaanina aremĩ gĩtũrie ehokeku.

4.
Kĩang’ethera thĩ-ĩno ĩgakũnjwo ta irũa
Kĩerekera igũrũ rĩgathuthwo rĩage
Gĩkang’arĩa ciothe irĩ thĩ na cia igũrũ
Gĩĩtũrie kĩo kĩene kĩĩgwatĩire ũthingu.

5.
Ndĩaga matunda ma mũtĩ urĩa wa muoyo
Na nganyua maĩ ma gĩthima kĩa muoyo
Nĩkĩo njagaga kĩeha kana kahoru
Na nginyaga na hinya ndĩ wa mũthamaki.

6.
Rĩtwa rĩakwa rĩho ibuku-inĩ rĩa muoyo
Nĩrĩo ndũagĩra na kũrĩtherithia
Nĩkĩo nemagĩra maũgĩ ma nduma
Njathĩkagĩre kiugo gĩkĩ kĩ muoyo.

7.
Rĩtwa rĩandĩkĩrwo rĩrĩa nderirire
Nĩkĩo gũgĩciarũo mũtĩithia Ngai
Na ũira ũkĩrehwo nĩ mũrũ wa Ngai
Ngerage makinya make ndĩmũtũkĩtie.

8.
Ngumo na gĩtĩo cia thĩ ndatigire
O harĩ ũbatithĩo wa Roho Mũtheru
Nĩho ndarutĩre ũtonga wa matu-inĩ
Ndongorio nĩ Roho Mũtheru wa Ngai
.
ili athecwo na rũhiũ nĩ Kaini akĩũragwo
Nuhu nĩanyarirĩkire ngoro agĩaka thabina
Yarĩka ĩkĩmahonokia maaĩ mahũa akĩruta
Igongona rĩa gũthaitha Jehova nĩ gũkena

Ũguo nĩguo gũgakenwo
Nĩ njamba iria ikahoota thĩ
Ũthamaki-inĩ wa igũrũ Jerusalemu njerũ

2.
Mũrathimithia ndũrĩrĩ ciothe nĩ Iburahĩmu
Nake nĩ onire mathĩna bũrũri wa Kanani
Akĩenda kũruta mwana atuĩke wa igongona
Jehova akĩmuonia ndũrũme Iburahĩmu agĩkena

3.
Andũ marutwo Misiri nĩ ũhoti wa Jehova
Na makinya iria itune mona marũmĩrĩirwo
Aria maarĩ ngoro hũthũ makĩnegenia Musa
Jehova amaringia rũũĩ magĩcoka gũkena

4.
Daudi atwarĩra ariũ a ithe irio mbaara-inĩ akĩigua
Goriathũ aruma maguta matheru ma ũthamaki
Akiuga arekwo akarũe na njamba ĩo akĩrumwo
Ningĩ etĩkĩrio akĩũraga njamba ĩo magĩkena

5.
Shadiraka na Meshaka na Abedinego maikio
Mwaki-inĩ makĩũhota nĩ makenire mũno
Danieli aikio irima rĩna mĩrũthi akĩmĩhota
Rũci-inĩ akĩroka kuuma na gĩkeno kĩnene

6.
Gatũrũme nĩ athaithire Jehova amwĩtĩkĩrie
Mahũrane na Shaitani atuĩke wa igongona
Agĩtembũrangwo mwĩrĩ mbaru ikiuma thakame
Na maĩ agĩkũũra andũ othe kwĩ ngoma Ithe agĩkena.