326. INO NI HINDI IRIA YARATHIRWO

1.
Ino nĩ hĩndĩ ĩrĩa yarathirwo
Matukũ-ĩnĩ ma ithĩrĩro
Andũ nĩ makarega Ngai
Meriragĩrie ikeno cia thĩ.

2.
Andũ arĩa Mwathani atongoragia
Nĩ marĩ na ũira ngoro-inĩ ciao
Wĩhia na gĩkuũ kũrĩ mũgendi
Atheru mwĩharĩrie nduma ĩtanoka.

3.
Nginyo cia mũgendi ũrĩa mwathĩki
Ikinyagira harĩ Jesu
Ona matebeba mangĩũka
Ngoro ya mũndũ ũcio ndĩngĩenyenyeka.

4.
Mwaruta ũira mwĩcokere
Mwaina rwĩmbo mwĩthime naruo
Nĩ ũndũ nĩ Roho mũmũtari
Ningĩ mũthuthuria wa ngoro cianyu.

5.
Roho nĩwe ũtwaragĩrĩria
Ningĩ nĩwe ũtũcayagĩra
Tigana na mwĩrĩ twambate
Tũkahurũke mĩnoga ya thĩ-ĩno,

6.
Ikeno nyingĩ kuũ matu-inĩ
Irathimo nyingĩ matu-inĩ
Tũkainaga na araika igũrũ
Twarĩkĩa kũhota mbaara cia thĩ ĩno.