388. MUNABII ISAYA MANDIKOINI

1.
Mũnabii Isaya mandĩko-inĩ akĩmenyithia andũ othe
Mũkũri wa andũ nĩagacoka mũnene wa thayũ
Tũkamuona agĩthiĩ agĩcoka tũmuone rĩera-inĩ

Rũgama wega thĩ-inĩ wa Jesu ũmenyithie andũ othe
Mũndũ mũhonoku ũtarĩ ũira atũraga nduma-inĩ
Nake ũrĩa ũegete nĩetereirwo nĩ mwaki kwa ngoma

2.
Mũnabii ũmwe akĩmwĩra nĩ ngũkũrũmĩrĩra
Nake Jesu witũ akĩmwĩra nyoni irĩ na itara
Mbwe ina marima no niĩ mwene ndirĩ ha ngũikara

3.
Zakayo amenya ndarĩ amuona akĩhaica mũti
Nake Jesu witũ akĩmwĩra harũrũka narua
Harũrũka narua ũmũthĩ nĩndĩtonya gwaku

4.
Nĩũnyitĩte kandi ya ũhiki ũcio wa Gatũrũme
Tondũ na kuũ nja ya ũhiki arogi na itharia
Aici na atunyani na magui makahigĩrwo nja