408. HANA MUTHERU

1.
Johana mũtheru nĩatuonereirie
Wendani wa Ngai kuma o kĩambĩrĩria
Na nĩrĩo rĩathani Jesu atũtigĩire
Nĩrĩo rĩohanĩtie macio mangĩ mothe.

Kĩonei wendani mũtharaba igũrũ
Mũndũ ũtarĩ wehia agĩthecwo na itimu
Kĩonei wendani ona mamũtheca
Oigire moherũo matiũĩ ũrĩa megwĩka.

2.
Wendani nĩũrĩ tha na nĩ ũrĩ ũkirĩrĩria
Nĩũrĩ Wohanĩri okuma kĩambĩrĩria
Mũndũ ũrĩa ugaga atĩ nĩoĩ Ngai
Na ndarĩ wendani macio nĩ maheni.

3.
Ona ũngĩhotha indo kana ũringe ciama
Kana ũthiome thiomi mbere nĩ wendani
Na wahĩtia hau Ngai arĩkuonaga
Ũkĩgamba ta thani karagaca karagaca.