441. NINJOI CIIKO NA WIRA WAKU

1.
Nĩnjũĩ ciĩko ciakũ na wĩra waku, mũritũ na ũkirĩrĩria
waku, na ngamenya ndũngĩhota kũiguana na maũndũ
marĩa marĩ thĩ-ĩno.

Mwĩtũgĩrio mũrata no ũtige, ndũgatũnywo thũmbĩ
yaku ĩheo ũngĩ, cokerera wendo waku wa mbere
Tondũ wa kerĩ ti wakũgocithia Ngai.

2.
Nĩnjũĩ mĩnyamaro yaku yothe, noũndũ ngũgũkararia
Nĩ kugaga, atĩ nĩwakũrire ũhonokio-inĩ wĩmenyerere
Ndũkarwo nĩ muoyo.

3.
Ririkana aruti a wĩra angĩ, amwe marokĩre rũcinĩ
Na arĩa angĩ thathĩta na hwaĩ-inĩ, na othe marĩhirwo
irĩhĩ o rĩmwe.

4.
Wee ikaraga ũrĩ mwĩhokeku, kĩnya gukua na
Nĩũkaheo thũmbĩ, ũrĩa ũrĩ na matũ nĩakĩigue ũrĩa
Roho arera makanitha

5.
Mũcukani rĩũ nĩehotorete
Nĩguo aharaganie makanitha
Nĩgũo andũ aingĩ matũĩke ake,
Wĩmenyerere ndũgakoro ũrĩ ũmwe.

6.
Wenda gũikara na Roho wama,
Nake Ngai akoragwo hamwe nawe,
Cokerera wendo waku wambere
Nĩguo ũkoragwo na ũtheri wa Ngai.

7.
Wenda kũigua ũhoro ũcio wothe,
Thoma kũguũrĩrio haũ igĩrĩ,
Kwambĩrĩria mũhari wa igĩrĩ.
Kĩnya mũhari wa ikũmi na ũmwe.

8.
Ngai nĩakenagio nĩ mahoya,
Tondũ tũkoragwo tũkĩaria nake
Na nokĩo ithuĩ rĩrĩa twamũhoya
No akaigua ũrĩa twamũkaĩra

9.
Rĩrĩkana Hezekia arwara,
Erirwo egaĩre andũ ake othe
Akĩhoya Ngai ena kĩeha,
Akĩongereruo mĩaka ikũmi na ĩtano,