24. NGAI WA UTHINGU WA IBURAHIMU ITHE WITU

1.
Ngai wa ũthingu wa Iburahĩmu ithe witũ
Tondũ wa thakame ya, Mũrũguo,
thikĩrĩria
Mũthĩnjĩri ũrĩ tha tũitĩrĩrie
Ũtugi wa thakame na maaĩ

2.
Nĩwe mwĩhoko wa ngoro yakwa,
ndũgakire
Mehia na waganu na mahĩtia,
’thambia ’there
Ũnjĩtĩke wĩ kĩgongona-inĩ
Kĩa matu-inĩ kĩiyũrĩte ũthingu

3.
Baba nĩwairire ngoro mĩaka mĩrongo ĩna
Andũ arĩa warutire Misiri ũkĩmanina
Tiga marakara riganĩrwo
Nĩ mehia macio ndũgatũnine

4.
Ririkana Joshua ngombo yaku we Jehova
Nĩagiririe Baba Rĩtwa rĩaku rĩconorwo
Maguta marĩa wamũitĩrĩirie
Ndwamaconorithirie ndũrĩrĩ

5.
Ithandũkũ rĩa mwĩhĩtwa
waku rĩrĩa itheru
Jorodani yarĩonire ĩkĩũra nĩ ũndũ warĩo
Rĩgĩthiũrũrũkĩria Jeriko
Matukũ mũgwanja rĩkiunanga

6.
Ũhoti waku Jehova Ngai wainainirie
Ngoro cia athamaki arĩa matũire Kanaani othe
Tondũ mehokete mũhianano
Nowe ndũtariĩ ta ũguo Ithe witũ

7.
Tha ciaku Mũthĩnjĩri mũnene na ũtugi
Iria weranĩire na maroho ma anabii
Atĩ nĩũkagarũra meciria
Ma ngoro ciothe matuĩke merũ

8.
Ikũrũkĩra ngoro cia athuri na atumia
Na anake na airĩtu na ciana cia ngenge
Wĩna irathimo mĩthemba yothe
Cia kĩrĩkanĩro gĩaku kĩerũ.